Autoritetet e Rusisë i kanë arrestuar qindra demonstrues që morën pjesë në një tubim të nacionalistëve kundër qeverisë në pjesën qendrore të Moskës. Kjo protestë ka koinciduar me Ditën e Unitetit të Rusisë.
Konsiderohet se protestuesit janë të ndërlidhur me kritikun e Kremlinit, Vyacheslav Maltsevm, që vullnetarisht jeton në ekzil, i cili ka bërë thirrje për “revolucion popullor” për ta përfunduar sundimin e presidentit të Rusisë, Vladimir Putin.
OVD-Info, që i monitoron goditjet kundër demonstratave, ka njoftuar se 448 njerëz janë arrestuar dje në Shën Petersburg dhe në një tubim të paautorizuar në Moskë.
Prej këtij numri, 339 janë arrestuar në Moskë, 21 në Shën Petersburg, ndërsa të tjerët në qytetet në gjithë Rusinë, përfshirë Krasnodar, Krasnojarsk, Perm dhe Roston në Don.
Ministria e brendshme e Rusisë tha më herët se policia i ka arrestuar 263 njerëz në Moskë për “mosrespektim të rendit publik”.
Agjencia e lajmeve TASS, duke e cituar një zyrtar të paidentifikuar, ka raportuar se shumica e personave të arrestuar në Moskë kishin pasur thika dhe pistoleta për plumba gome.
Taulant Xhaka paralajmëron rikthimin e vëllaut të tij tek Ba...
Moti i ligë në Tetovë – Shtëpi dhe oborre të përmbytura
OKB: Armëpushimi në Gaza, prioritet absolut dhe urgjent
Shkolla greke përjashton 10-vjeçaren shqiptare – shkak numri...
ADN-ja e ruajtur në një kristal mund të rikthejë njerëzimin ...
Uzuni realizon gol ndaj Malagas